Садвакасов Серикказы ХусаиновичБіздің сайтқа қош келдіңіздер!

Бұл жерден өздеріңізді қызықтырған
мәліметтермен аудан туралы ақпараттар аласыздар.
Жалғасы...

Әкімінің блогы

  • Аудан әкімі
  • Аудан әкімінің баяндамалары

    Тарбағатай ауданының әкімі С.Садвакасовтың тұрғындар алдындағы есепті баяндамасының тезисі

    2019 жылдың қорытындысы бойынша ауданның әлеуметтік- экономикалық даму көрсеткіштері тұрақты өсіммен сипатталады.
    Аудандық бюджеттің меншікті кірістер көлемі 900,0 млн.теңгеге орындалып,өсім – 104,3% болды.
    Ауыл шаруашылығының жалпы өнімінің көлемі 2019 жылы 37,2 млрд. теңгені құрап, нақты көлем индексі 103,8% орындалды. Аудан бойынша орташа айлық жалақы 100 677 мың теңгені құрап, 2018 жылдың деңгейіне қарағанда өсім 119,6% құрады.
    Ауданның мал шаруашылығы тұрақты дамып, мал басының сақталуы қамтамасыз етілді. Ірі қара 159 749 бас болып, өткен жылдың осы мерзімімен салыстырғанда 126,3%, қой мен ешкі – 303 810 басты құрап, өсу қарқыны 102,%, жылқы – 33 901 бас болып –114,2% орындалды.
    Аудан бойынша ИАС бағдарламасына 2019 жылы 685 шаруа қожалығы тіркеліп, 41819 бас аналық ірі қара малдарына 2026 бас асыл тұқымды қазақтың ақбас бұқасы қосылып, тұқымдық түрлендіру жұмыстары жүргізілді.
    Ауданымызда асыл тұқымды мал басын өсіретін 38 шаруашылықтың 9-ы 2350 бас жылқы, 11-і 57318 бас қой, 18-і 11123 бас ірі қара мал басын дамыту бағытында жұмыс жасауда.
    2019 жылы ауыл шаруашылығы саласы бойынша ауданға мемлекеттік бағдарламалар негізінде 550 бас ірі қара малы және шетелден 1200 бас асыл тұқымды ірі қара малдары, 8347 бас ұсақ үйізді малдары сатып алынды.
    Лизинг бағдарламасымен 30 ауыл шаруашылығы техникалары алынып, саланың техникалары мен қосалқы жабдықтары 774- ке жетті. «Жайылымдарды суландыру инфрақұрылымын құру және мал өсіруші шаруашылықтарды сумен қамтамасыз ету (құдықтар, ұңғымалар)» жұмыстары бойынша 273 шаруа қожалығы 323 – күн панелін орнатты.
    Жалпы ауыл шаруашылығы саласына жыл көлемінде 1 млрд 867млн 300 мың тенгенің субсидиясы алынды.
    Шалғай елді мекендерді суландыру мақсатында 14 шаруа қожалығы өз қаражаттары есебінен 21 құдық қаздырды.
    2019 жылы аудан бойынша ауыл шаруашылығы саласына барлық тартылған қаржы 3,3 млрд. теңгені құрап, өткен жылмен салыстырғанда 110% өсті.
    Дала шаруашылығы. Көктемгі егіс жұмыстарында аудан бойынша 15284,2 гектар суармалы егістік жер игеріліп, өткен жылмен салыстырғанда 2548 гектарға ұлғайды.
    Оның ішінде дәнді дақылдар 1609 гектар, майлы дақылдар 35 гектар, картоп 812 гектар, көкөніс 330 гектар, бақшалық 331 гектар, мал азықтық жүгері 230 га, бір жылдық шөп 1100 гектар, биылғы егілген көп жылдық шөптер 2903 гектар, өткен жылдардан келе жатқан көп жылдық шөптер 7934,2 гектарды құрады.
    2019 жылы ауданның шаруашылық құрылымы көктемгі егіске қажетті 384 тонна жоғары сапалы ауыл шаруашылығы дақылдарының тұқымдарын жаңадан әкеліп екті.
    Күзгі егін жинау жұмыстарының қорытындысы бойынша 1609 гектар дәнді-дақылдар алқабының егістігі орылып, 3297,5 тонна өнім жиналды. 1473 гектар картоп, көкөніс, бақшалық дақылдардан 39204 тонна өнім алынды.
    Аудан бойынша 2019-2020 жылдардың қыстамасына 200 мың тонна қатаң мал азығы (табиғи шөп,жоңышқа), 2,5 мың тонна құрама жем дайындалды.
    Кәсіпкерлік саласы. Ауданда 91 заңды тұлғалар, 914 жеке кәсіпкерлер, 2308 шаруа қожалықтары, жиыны 3313 шағын кәсіпкерлік субъектілері тіркелген.
    Экономиканың нақты секторында негізгі капиталға тартылған инвестиция көлемі 7115,3 млн.тенге болып, былтырғы жылмен салыстырғанда 105,3 % артты.
    Барлық арналар арқылы өткізілген бөлшек сауда тауар айналымының көлемі 8127,3 млн.теңге болып, былтырғы жылдың осы кезеңімен салыстырғанда өсу қарқыны 105,2 %.
    2019 жылы жаңадан 8 сауда дүкендері, 2 қоғамдық тамақтандыру орындары, 3 шағын наубайхана іске қосылды. Жалпы кәсіпкерлік саласы бойынша 34 жұмыс орындары ашылды.
    Жыл бойына Ақсуат, Ақжар және Тұғыл ауылдарында ауданның барлық тауар өңдірушілерінің қатысуымен жиыны 23 мәрте жәрмеңке өткізіліп, 233,1 млн. теңгенің жергілікті жерде өндірілген өнімдері халыққа қол жетімді бағада саудаланды. Жергілікті жерде өндірілген өнімдер негізгі саудадағы бағадан 10-15 % төмен сатылды.
    «Бизнестің жол картасы-2020» бірыңғай бағдарламасы бойынша «Бота» ЖШС-і құны 58,7 млн.теңгенің техникасын алып, 5,6 млн.теңгенің субсидиясын алуға қол жеткізсе, «Інжу» шаруа қожалығы «Даму» қорынан мал шаруашылығына 3,5 млн теңге несие алып, бағдарлама арқылы 1млн. 700мың теңгенің кепілдендіру қаржысына ие болды.
    «Жетіспейтін инженерлік-инфрақұрылымдарды дамыту» бағыты бойынша 4 жоба ұсынылып, облыстық үдемелі индустриялық-инновациялық дамыту жөніндегі Координациялық кеңестің шешімімен қаржыландыруға рұқсат берілді.
    Ауданның ветеринария саласы. «Эпизоотияға қарсы шаралар» бюджеттік бағдарламасы бойынша құтырыққа 14 000 бас ірі қара малына, 9 000 ит, пастереллезге 20 000 бас ірі қара малына, аусыл ауруына 330 000 бас ірі қараға, 720 000 бас қой-ешкіге, сібір жарасы ауруына 145000 бас ірі қараға, 380 000 бас ұсақ малға, 20 000 бас жылқыға, 30 түйеге, қарасанға қарсы 35 000 бас ірі қара малдарына 2- реттен 70 000 доза вакцинация жүргізілді.
    Туберкулез ауруына 110 000 бас ірі қара, маңқа ауруына 3 000 бас жылқы малдары диагностикалық тексеру жұмыстары жүргізілді. Эхиноккоз ауруына 15 000 бас етқоректілер (күзет иті) дәріленді.
    Бруцеллез ауруын анықтау үшін 162 234 бас ірі қара малдарынан қан сынамасын алынып, 2517 бас «оң» таңбалы нәтиже беріп, ауруға шалдыққан жануарлар ветеринариялық талапқа сәйкес мал сою орындарында сойылып, жойылды. 2500 бас иттен қан алынып, 260 ит «оң» таңбалы нәтиже беріп, ветеринариялық заң талаптарына сәйкес жойылды.
    Ірі қара малдарын бруцеллез ауруынын сауықтыру үшін 8 ошаққа шектеу қойылып, 3 ошақ бруцеллез ауруынан сауықтырылса, 5 ошақтағы сауықтыру жұмыстары 2020 жылға жалғастырылады. Бруцеллез ауруы шыққан 956 қора-жайға, яғни 180762 шаршы метр жерге дезинфекция жасалса, RB-51 вакцинасымен бруцеллезге қарсы 8800 бас ірі қара малы, қой-ешкі малдарының бруцеллезіне қарсы осurev вакцинасымен 6600 бас мүйізді ұсақ малдары иммундалды. 17 ауылдық округте 23 мал сою алаңдары жұмыс істеп тұр.
    Жоспар бойынша қаңғыбас иттер мен мысықтарды аулап жоюға жергілікті бюджеттен 3 млн теңге қаржы бөлініп 1300 қаңғыбас ит жойылды.
    Құрылыс жұмыстарының көлемі 4,9 млрд. теңгені құрап, былтырғы жылға қарағанда 1,2 есеге артық орындалды. Пайдалануға берілген тұрғын үйлер көлемі 9020 шаршы метрді құрап, өсу қарқыны 108,1% болды.
    Облыстық «Парыз» қоры арқылы 27 көп балалы отбасына тұрғын үйлер сатып алынды.
    Аудан бойынша жалпы қолданыстағы автомобиль жолдары желісінің ұзындығы 986,2 шақырымды оның ішінде: республикалық маңызы бар – 266 шқ (26,97%), облыстық маңызы бар – 211 шқ (21,4%), аудандық маңызы бар – 509,2 шқ (51,3%) құрайды.
    Аудандық маңызы бар «Жетіарал ауылына кіреберіс -10 шқ» автомобиль жолының 5,6 шқ, «Ойшілік ауылына кіреберіс -23 шқ» автомобиль жолының 15 шқ орташа жөндеу жұмыстары атқарылды.
    Абаттандыру, сәулеттендіру, көгалдандыру, жарықтандыру және санитарлық тазалық жұмыстарына облыс бюджетінен 4-ші деңгейлі бюджетіне Ақсуат, Ақжар, Қызыл-кесік, Көкжыра, Ойшілік, Құмкөл, Тұғыл, Қабанбай ауылдық округтерінің 16 жобасына 80 000,0 мың теңге, Ақсуат ауылдық округінің 9 жобасына 50 000,0 мың теңге бөлініп, шағын футбол алаңдары, балар ойын алаңдары, спорттық тренажер алаңдары, қоршаулар орнатылып, құрылыс жұмыстары жүргізілді.
    Қызыл кесік, Сәтбаев, Байтоғас ауылындағы су құбыры желілерінің құрылысы, Құмкөл ауылындағы су құбыры желілерін қайта жаңғырту, Ақжар ауылындағы тазалау ғимараттары және су бұру желілерін қайта жаңғырту жобалары жүзеге асырылып, нысандар пайдалануға берілді.
    Маңырақ ауылындағы су құбыры желілерін қайта жаңғырту жұмыстары жүргізілуде, нысанды 2020 жылға дейін пайдалануға беру жоспарланған.
    Екпін, Ақсуат ауылдарының су құбыры желілерін қайта жаңғырту, Ақмектеп ауылындағы су құбыры желілерінің құрылысы 2020 жылы жүзеге асырылып, таза ауыз сумен қамтамасыз етілетін болады.
    Аққала, Қазақстан, Қамысты, Жалғызтал, Егіндібұлақ, Базар, Есім, Жаңа тілеу, Шолақорда ауылдарына су ұңғымалары бұрғыланып, блок-модульды станциялары орнатылуда. Нәтижесінде аудандағы 60 елді мекеннің 45-і таза ауыз сумен қамтылып, қамтылу пайызы -75 –ке жеткізілді.
    Жолаушылар тасымалымен ауданның 39 елді- мекені қамтылған және жолаушыларды тасымалдайтын ауданішілік 10 маршрут халыққа қызмет көрсетеді.
    Ауыл шаруашылығы жер учаскелерін мақсатына сай пайдаланбай отырған 681 шаруашылық құрылым иелерінің жалпы ауданы 207 419,0 га жер телімдерін пайдаланбай отырғандығы анықталып, 27 186 гектары арнайы жер қорына қайтарылды. 47 жер иеленушіге әкімшілік іс қозғалып, 36250 гектар ауыл шаруашылығы мақсатындағы жер теліміне ауыртпалығы белгіленді.
    2019 жылы аудандық бюджеттен бөлінген қаражатқа байланысты жалпы саны 60 жер учаскелерінің жерге орналастыру жобалары әзірленіп, 57 жеңімпаз танылып жалпы алаңы 41421,0 гектарды құрайтын жер телімі берілді, оның ішінде 1000,0 гектар егістік жер, 500 гектар шабындық жер, 39921,0 гектар жайылымдық . Сондай-ақ, жыл басынан аудандық жер беру комиссиясының 12 отырысы өтіп, мал жаю және шөп шабу үшін 5 жылға өтеусіз жер пайдалану құқығымен 73-жеке тұлғаға жер беру комиссиясының оң қорытындысы беріліп, жалпы алаңы 75090,5 гектар берілді.
    Білім беру саласы. Аудан мектептерінде 8008 окушы оқып, 1442 педагог қызметкерлер жұмыс атқаруда. Олардың жоғарғы және бірінші санаты бар мұғалімдердің үлесі 68,3 пайызды құрайды.
    Аудандағы балабақшалар мен мектеп жанындағы шағын орталықтарда мектеп жасына дейінгі 2440 бала мектепке дейінгі білім мен тәрбиемен қамтамасыз етілген.
    Аудандаға барлық мектептер (100%) интернет желісіне қосылған. Шағын жинақталған 34 мектепте 2019 жылы ІТ –сыныптар ашылды.
    ҰБТ-ге биылғы оқу жылында мектеп бітіруші 487 оқушыдан 432 оқушы қатысты, яғни 88,7 % болды, Бұл көрсеткіш өткен 2018 оқу жылынан 3,8% пайызға жоғары (2018 ж -84,9 %) орындалды.
    2019 жылы «Алтын белгі» белгісіне ұсынылған 66 оқушы (2018 жылы 57 оқуушы) өз білімдерін толық қорғап шықты.
    Денсаулық сақтау саласы. Ауданда емханалық деңгейде тегін дәрі-дәрмекпен 5955 емделуші қамтамасыз етіліп, 29490 мыңнан астам адам немесе 73 пайызы ұлттық скрининг бағдарламасымен тексеруден өткізілген.
    Аудандық орталық және ауданаралық аурухана мамандары жыл ішінде 47 адамға жоғары мамандырылған кардиохирургия, ортопедия сияқты медициналық көмек көрсетті.
    Жыл ішінде аудандық ауруханаға 2 терапевт, 1 педиатр, 1 хирург, 1 стоматолог мамандары, ауданаралық ауруханаға 1 жас маман педиатр келіп, жұмыс атқаруда. Ауданда халықтың өмір сүру жасы 72,6 жасқа дейін артып, туған бала саны 605 – ты құрап отыр.
    2019 жылы Денсаулық сақтау министрлігінің бұйрығы негізінде Тарбағатай аудандық орталық ауруханасы мен ауданаралық ауруханада жаңадан халыққа шұғыл кезек күттірмейтін медицианлық көмек көрсететін қабылдау бөлімшелері ашылды.
    Цифрлық сауаттылықты арттыру мақсатында «Дамумед» мобильді қосымшасы енгізіліп, аудан жұртшылығы медициналық қызмет түрлерін алудың жаңа мүмкіндіктеріне қол жеткізді.
    Дене шынықтыру мен спорт саласында 200- астам спорттық көпшілік шаралары өткізіліп, 25000-нан астам адамның қатысуы қамтамасыз етілді.
    Аудан спортшылары еркін күрес, дзю-до, қазақ күресі, бокс, гир, армрестлинг, тоғызқұмалақ, стол теннис, футбол, волейбол түрлерінен 150 - жуық облыстық жарыстарға қатысып, 40-қа жуық спортшы Республика біріншіліктері мен халықаралық жарыстарда еліміздің намысын абыроймен қорғай білді.
    33 мемлекеттен 300-ге жуық балуан қатысқан Қазақ күресінен VIII -Әлем чемпионатында Көкжыра ауылының тумасы, 60 келіде белдескен Архат Қайырбеков Әлем чемпионы атанса, 90 келіде Сәтбаев ауылының тумасы Дастан Ықыбаев алтыннан алқа тағынды.
    Аудан спортшылары Әлем біріншіліктерінде 6 алтын, 2 күміс, 3 қола медаль иеленсе, Азия біріншіліктерінде 6 алтын, 2 күміс, 3 қола медаль иеленді. Әлемнің 28 мемлекетінен балуандардың қатысуымен қазақ күресінен Ырғызбай Досханаұлы атындағы халықаралық гран-при жоғары деңгейде өткізілді.
    Спорттың материалдық базасын нығайту мақсатында Ақсуат ауылында орталық стадиондағы көрермендер трибунасының төбесі жабылып, спортшылар шешінетін, жуынатын ғимарат толық жөндеуден өткізілді.
    Армрестлингтен бірнеше дүркін Әлем чемпионы Евгения Гунькоға тұрғын үй сатып алуға қаржы бөлінді.
    Халықты жұмыспен қамту саласында «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы шеңберінде 2019 жылдың 12 айында 937 адамның статустары нақтыланып, бағдарламаға қатысушы болып тіркелді. Бағдарламаға қатысушыларды техникалық және кәсіпкерлік біліммен және қысқа мерзімді кәсіптік оқумен қамтамасыз ету бойынша облыстық бюджеттен 128 адамға 28 млн 155 мың теңге қаржы бөлініп, бөлінген жоспар 100 % игерілді. Оқуларын аяқтаған 649 адамның 569 тұрақты және уақытша жұмыс орындарына орналасып, жұмысқа орналасу 87,6 % құрады.
    Бағдарламаның жаппай кәсіпкерлікті дамыту бағыты арқылы «Бастау Бизнес» жобасы бойынша кәсіпкерлік негіздеріне 140 адамның статустары анықталып, несие алуға жолдама берілді. Сонымен қатар, жаңа бизнес идеяларды іске асыру бойынша шағын бизнес ашу үшін 70 адамға (көп балалы және аз қамтылған отбасылар, мүгедектерге, және 18-28 жас аралығындағы жастарға ) 505 мың тенге көлемінде қайтарымсыз мемлекеттік грант берілді.
    Бағдарламаның үшінші бағыты бойынша әлеуметтік жұмыс орындарын құруға республикалық бюджеттен қаржы бөлініп, 30 адам жеке кәсіпкерлер мен шаруа қожалықтарына жұмысқа жолданды.
    Жастар іс-тәжірибесін ұйымдастыруға 6 айға республикалық бюджеттен қаржы бөлініп, 45 маман іс-тәжірибеден өтсе, қоғамдық жұмыстарға 152 адам жолданды.
    Еңбек ресурстарының ұтқырлығын арттыру бағыты бойынша ауданға 1 оралман отбасы және 22 қоныс аударушы отбасы көшіп келіп, барлығы көші-қон субсидиясын алды.
    «Мемлекеттік атаулы әлеуметтік көмек туралы» Заңын жүзеге асыру бойынша 2019 жылы атаулы әлеуметтік көмекті тағайындау мен төлеуге 1млрд. 563 106 мың теңге қаржы бөлінді.
    Тұрғын үй көмегі аз қамтамасыз етілген 26 отбасының 71 мүшесіне 1978,0 мың теңгеге тағайындалып, толық төленді. Үйден тәрбиеленіп оқылатын мүгедек балаларды материалдық қамту бағдарламасы бойынша 60 балаға 2920,0 мың теңге тағайындалып, төленді.
    Мүгедектердің оңалту бағдарламасы бойынша 2 адам жеке көмекшілердің көмегін алса, 79 адам гигиеналық құралдармен, 75 мүмкіндігі шектеулі адамдарға арналған құрал-жабдықтармен қамтамасыз етілді. Шипажайлық-курорттық емдеумен 200 мүгедектер мен ардагерлер қамтылды.
    Ауылдық елді мекендерге жұмысқа келген білім беру, денсаулық сақтау, мәдениет және спорт, әлеуметтік қамсыздандыру, ветеринария салалары бойынша «Дипломмен ауылға» бағдарламасы бойынша 25 жас маманға 6 млн.312 мың теңгенің көтерме жәрдемақысы, 46 маманға тұрғын үй сатып алу үшін 162млн. 862 мың теңгенің бюджеттік несиесі берілді.
    2020 жылы «Дипломмен ауылға» бағдарламасы негізінде 30 жас маманды тұрғын үймен қамтамасыз ету жоспарлануда.
    Аудан бойынша жергілікті тұрғындарға мәдени-ақпараттық қызмет көрсетіп отырған 45 мәдениет нысандары арқылы тұрғындарға отандық музыкалық өнімдерді насихаттау, ұлттық мәдениеттің қажеттілігін өсіру мақсатында 790 мәдени-көпшілік шара өтіп, оған 125 мыңнан аса адам қамтылды. Мәдениет мекемелерінің материалдық-техникалық базасын нығайту мақсатында 2019 жылы 6 млн 542 мың теңге бөлінді.
    Кітапханаларға 18739 оқырман қамтылып, 427 880 кітап берілді. Кітап қоры 288207 дананы құрайды.
    Жалпы қылмыстың ашылуы 82,0% болып, былтырғы жылмен салыстырғанда 0,4 % артты.
    Ауырлығы орташа қылмыс 110 нан 89 –ға, ауыр қылмыс 15 тен -11 –ге, ұрлық 79-дан 66 –ға, оның ішінде мал ұрлығы 28- ден 13-ке азайған.
    Ауыр немесе аса ауыр қылмыстың ашылуы 80,0% болып, былтырғы жылмен салыстырғанда 2,2 % артқан.
    Жыл басынан бері 3 жол көлік оқиғасы тіркеліп, 2018 жылмен салыстырғанда 57,1 пайызға азайған.
    Жыл ішінде әкімшілік құқық бұзушылық туралы 3199 хаттама толтырылды. Құқық бұзушылық жасаған жасөспірімдердің саны өткен жылмен салыстырғанда 8 ден 4-ке төмендеді. Табиғатты қорғау полиция тобымен балық аулау ережесін, аң аулау қағидасын бұзу бойынша 131 хаттама толтырылып, тиісті көлемде айыппұлдар салынды.
    Аудан аумағында күзгі және көктемгі су тасқынына қарсы атқарылған жұмыстар барысында Боғас, Базар, Қарғыба, Тасжыра, Шорға, Терісайрық өзендерінің арналары тазаланып, жағалауларын қомдау, бекіту жұмыстары жүргізілді. Құйған ауылының оңтүстігіндегі қорғаныс дамбасын жаңғырту жұмыстарымен қатар Маңырақ ауылындағы қорғаныс бөгеттеріне ағымдағы жөндеу жұмыстары жүргізілді. 2019-2020 жылдарға арналған өрт сөндіру бекеттерін кезең-кезеңмен қалыптастыру жоспарына сәйкес, Көкжыра және Қарасу ауылдарында өртке қарсы тірек пункттері ашылды.
    2020 жылға Боғас-Кіндікті автокөлік жолындағы көпірге ағымдағы жөндеу жұмыстары және Көктүбек ауылындағы Базар өзеніне ұзындығы 2 шақырым дамба тұрғызу жұмыстары жоспарлануда.

     

    МҰРАҒАТ

    Тарбағатай ауданының әкімі Д.Оразбаевтың тұрғындармен есепті кездесу жиынында жасаған баяндамасының тезисі 2018ж
    Тарбағатай ауданының әкімі Д.Оразбаевтың тұрғындармен есепті кездесу жиынында жасаған баяндамасының тезисі 2016ж
    Тарбағатай ауданының әкімі Д.Оразбаевтың тұрғындармен есепті кездесу жиынында жасаған баяндамасының тезисі 2015ж
    Тарбағатай ауданының әкімі Д.Оразбаевтың тұрғындармен есепті кездесу жиынында жасаған баяндамасының тезисі 2014ж
    Тарбағатай ауданы әкімінің аудан тұрғындарымен 2013 жылғы есепті кездесу жиынындағы баяндамасы

     

    Парақтар өзгертілді: 06-01-2020