Біздің сайтқа қош келдіңіздер!

Бұл жерден өздеріңізді қызықтырған
мәліметтермен аудан туралы ақпараттар аласыздар.
Жалғасы...

Әкімінің блогы

  • Мәдениет
  • Аудандық мәдениет және тілдерді дамыту бөлімінің атқарған жұмыстарының хабарламасы

    2017 жылдың атқарылған жұмыстары туралы ақпарат

    Аудан бойынша мәдениет саласында 13 мәдениет үйі, 9 клуб, 25 кітапхана жергілікті тұрғындарға мәдени-ақпараттық қызмет көрсетіп отыр. Қазақстан Республикасының мәдени саясатының тұжырымдамасы, Елбасының «Рухани жаңғыру: Болашаққа бағдар» бағдарламасынан туындайтын міндеттерді жүзеге асыруда  аудан көлемінде халық шығармашылығының түрлі салаларын дамытуда біршама жұмыстар атқарылды.

    Аудан бюджетінен 2017 жылы мәдени-көпшілік шаралар өткізуге 5 млн 100 мың теңге, мемлекеттік тіл саясатын жүзеге асыруға 396,0 мың теңге қаржы бөлініп, мақсатты игерілді.
    Аудан бойынша 2017 жылы 1754 мәдени-көпшілік шара өтіп, оған 259 мыңнан аса адам қамтылса, кітапханаларда 445 көпшілік шара өтіп, 13926 адам қамтылды.
    Аудан бойынша кітапханаларға 19522 оқырман қамтылып, 427869 кітап берілді. Қатысушы саны 210569. Кітап қоры 278641 дана кітап.
    Аудан көлеміндегі шығармашылық қызметтің түрлі салаларында /ұлттық, тілдік-діндік, тарихи-танымдық, әдеби, театралдық өнер, дара орындаушылық өнерді дамытуда ауылдық округ көрермендерімен 208 концерт, 10 спектакль, 106 театрландырылған қойылым көрермен назарына ұсынылды. Жергілікті жерлерде халықтың әртүрлі топтарына арналған 14 байқау өткізілді.
    ҚР Мәдени саясатын жүргізуге негіз болатын Ұлттық және Мемлекеттік мерекелер  бұқаралық, халықтық сипатта өтеді.

    Үстіміздегі жылғы «ЭКСПО-2017» халықаралық көрмесі, Алаш қозғалысының 100 жылдығы, Қуғын-сүргін құрбандарына 85 жыл, Қазақстан Қарулы Күштерінің 25 жылдығы, Қаракерей Қабанбай батырдың 325 жылдығы мерейлі мерекелеріне үн қосу, өнердегі жаңа есімдерге жол ашу, өнерпаздарға қолдау көрсету, ауыл көркемөнерпаздарының шығармашылығын дамыту, жалпыхалықтық мәдени шара ұйымдастыру мақсатында ауылдық округтер арасындағы дәстүрлі көркемөнерпаздар байқауы «Еуразия жүрегінде» тақырыбында өтті. Концертке 800-ден аса өнерпаз қамтылып, 2500-ден аса көрермен тамашалады.
    Ақсуат халық театрының әртістері М.Сәрсекенің «Тендерге түскен келіншек» драмасы, А.Әуесханның «Шын дос мұсылман» қойылымы, К.Жұмабековтың «Адасқандар» драмасын 17  ауылдық округтерге қойды.  
    Ақсуат халық театры К.Жұмабековтың «Адасқандар» драмалық қойылыммен 2017 жылдың 19 мамырында Зайсан қаласында өткен облыстық халық театрлары фестиваліне қатысып, жүлделі І-орынды иеленді..
    Қазақ халқының тарихы мен өнеріндегі бірегей рухани-мәдени құндылық болып табылатын этнографиялық дәстүрлі музыкалық аспаптарын қолдану арқылы ұлтымыздың музыкалық жәдігерлерін насихаттау мақсатында Ақсуат мәдениет үйінің жанынан құрылған «Бабалар сазы» этно тобы үш мәрте облыстық «Туған ел - алтын бесік» байқауында жүлдегер атанды.

    Елбасының «Рухани жаңғыру» мақаласын жүзеге асыру барысында өнер, шығармашылық иелері, жеке авторлар, елге еңбегі сіңген тұлғалардың өмірбаяндық кештері өткізілді. Ақындар Ж.Башықтың «Ата жұртым өз елім», Құрмантай Нүсіптің «Нұр тамды киіз үйдің үзігінен...», Дулат Шідердің «Өлең менің кеудемдегі өр кеудем», Мерей Қартовтың «Сыр ұғамын тамшылар күлкісінен...» атты жыр кештері өтті.
    Атырау облысында «Ән дария дүлдүлдері» атты І-ші Республикалық әншілер байқауына біздің ауданнан Ақсуат мәдениет үйінің әншісі Төлеген Шакариов қатысты. Қазақстан бойынша 42 дәстүрлі әннің саңлақтары жиналған байқауда Төлеген үш кезең бойынша Батыстың, Сыр бойының, Арқа мен Жетісу әндерінен, Алтай-Тарбағатай ән мектебінен әндер орындап дипломант атанып, қазылар алқасы тағайындаған 100 мың теңгенің арнайы сыйлығына ие болды.

    29 шілде күні аудан орталығында "Туған жерге туыңды тік" атты xалықаралық ақындар айтысы өтті. Айтысқа Р.Зайытов,  Р.Қайыртайұлы, Ж.Мусина, Ә.Ережеқызы, А.Шұгатаев,  Ш.Сезімxан, К.Билдаш, М.Ниязов, Е.Дәулетұлы (Моңғолия), Ж.Бердібекұлы (Қытай),  М.Ақанов, Қ.Шарманов жиыны 12 ақын қатысты. Айтысты Қазақстан Республикасының Еңбек сіңірген қайраткері, белгілі ақын Жүрсін Ерман жүргізді.
    29 қыркүйек күні Ақжар мәдениет үйінде аудан әкімінің қолдауымен ІІ Халықаралық «Тарбағатай жұлдыздары» эстрадалық ән фестивалі өтті. Фестиваль Қазақстан Республикасының Президенті Н.Ә.Назарбаевтың «Болашаққа бағдар: Рухани жаңғыру» бағдарламасын жүзеге асыру, «ЭКСПО-2017» халықаралық мамандандырылған көрмесі аясында шетелдерде тұратын отандастармен мәдени-достық байланысты дамыту, жаңа таланттар мен танымал есімдерге жол ашу, егеменді еліміздің рухани құндылықтарын дамытуға үлес қосқан Қазақстан композиторларының және халқымыздың даңқын көтеретін туынды, шығармалар арқылы мемлекетіміздің қол жеткен жетістіктерін паш ету мақсатында ұйымдастырылды. Аталған Фестивалға Қызғызстан, Ресей, Қытай Маңғолия мемлекеттерінен, республика облыстарынан және облыс аудандарынан, жиыны 40 - тан астам өнерпаз қатысты.
    Облыстық Глубокое ауданында «Ұлы дала сазы» түркі халықтарының музыкалық фестивалінде  дәстүрлі ән номинациясы бойынша Т.Шакаримов бас жүлде, Зайсан ауданында өткен  «Күй құдіреті» атты аймақтық фестивальға ауданнан Жанымханов Төлеген қатысып бас жүлде алды.
    Қазақстанның еңбек сіңірген мәдениет қызметкері, композитор Тұрсынғазы Рахимов атындағы Халықаралық «Сәби болғым келеді» атты дәстүрлі әншілер конкурсында Т.Шакаримов ІІ –орын,  Е.Құжиманов конкурстың арнайы жүлдесіне ие болды.

     

    Mұрагат

    2016 жылдың атқарылған жұмыстары туралы ақпарат

     

     

    Парақтар өзгертілді: 23-01-2018